“Darr lagta hai…”

Rone se nahi ab Dil… hansne se darta hai…!!
Kisi ko khone se nahi….. Dil uske laut aane se darta hai….!!
Tanhaaiyon ki to aadat hai… Humko too mahfilon ki Bheed se darr lagta hai…!!
Raat ki khaamoshiyon me bhi sunten hai uski baaten hum…. Itne sannate me koi awaaj na dede …ki darr lagta hai..!!
Vo pyaar tha mera ki jisne itne zakham diye… Un zakhmon pe koi marham na laga jaye darr lagta hai…!!
Tere jane ka ghum nahi humko….dil ko ab is dard ke bichadd jane se darr lagta hai..!!
Ghum nahi ki koi mila nahi is jahan me apna….ye mera saya bhi ab sath na chhod jaye ..is baat se darr lagta hai..!!
Kisi ne toda tha bahut zor se gira kar…. Un tukadon ko koi aakar samet na le….ke Darr lagta hai…!!

- Parul Bharnagar ( oct 12 -09)

bas yun hi...

"Yun to bewajah kuch nahi hota is matlabi duniya me....
par dil ko main kai baar samjhata hun kah kar " bas yun hi" ....!!"

 

By - Parul Bhatnagar

 

 

Zindagi Ki Uljhan

Zindagi poochti hai mujhse kyun udaas hai tu…
Kya hai vo baat jo itna hairaan hai tu….
Zara muskurane me kya jayega tera…
Kyun hai ki is kadar pareshaan hai tu..!!

Sunke Zindagi ki ye uljhan… main kuch is tarah muskuraya…
Aur kaha – Zindagi kya hai aisa jo tujhse hai chip paya…!!

Tu jaanti hai kyun udaas hun main…
tu pahchanti hai kyun is kadar pareshaan hun main..!!

E- zindagi - Tere hi gumon ka bojh main roj utha raha hun…
Zinda to hun lekin har pal thoda marta ja raha hun..!!

Tune diya hi kya hai mujhe in zaakhmon ke siva….
Jise bhi chaha zindagi me pana…. usi ko kar diya humse juda…!!

Ab na koi khushi hai ..na koi gum…
Na roti hain ye aankhe na hanste hain hum…!!

Bas gujar raha hai ab waqt kisi tarah …
Na umeed hai Zindagi tujhse koi humko … Na koi Shikayat hai..
Jee rahe hain kisi ki yaadon me bas yahi ab humari ibadat hai…!!

- Parul Bhatnagar (22-Feb-12)