kal mila tha safar me ek ajnabi yun hi ....
jana to tha vahin jahan manjil thi meri...
fir na jane kyun beech raah me utar gya vo.....
kuch leke to na gya sang apne....
par kuch bhool gya hai paas mere....
shayad kuch lamhe hain vo.... kuch kahe to kuch unkahe hain vo...
kuch bhooli bisri yaadein hain... kuch pyaar bhari baaten hain....!!
kuch sapne hain jo dekhe the usne kisi aur ki aankhon se...
kuch kahaniyan jo sonata tha vo mujhe anjaan raston pe …..
aansu hain jo gire the mere daaman pe uski aankhon se chalak kar….
Vo khushbu hai saanson me…jo di thi usne gale mil kar….
Kuch ruswaiyaan thi uski ….. kuch shikayaten thi meri…
Kuch vaade the uske… Kuch Mannaten thi meri…!!
Sab yahin chhod gya hai….. Jane vo kyun mujhse mooh mod gya hai…
jane kaisa hoga vo in sab ke bina…
Shayad adhura sa… ya fir akela tanha….
Musafir tha kashti ka…. Kinara dekh kar utar gya….
Ab raah takna bhi shayad theek nahi ….
Koi vada thode hi kiya tha usne lautne ka…!!
Par shayad mujhpar uska karj baki hai abhi….
Isliy seene me bhi dard baki hai abhi…………………!!

- By - Parul Bhatnagar ( Sep 6, 09)

what I am feeling.......

Everything is Sad in life...n i dont know why...
There is no star of hope in ma Sky....
Deep darkness inside ma heart...
i am dying daily but i Want to Fly...!!
M sitting alone & waiting for rain..
There are only dark clouds & lot of pain…
No sleep in ma eyes … I am feeling like insane…
Unsatisfied … sad… emo … & a looser but
I want to breathe & I want to live again…!!
I am Not happy … nor sad..
Nothing Good in life…nor bad…
I am feeling less..like a Stone ….no sensation…
Whatever it will be… Life or Death….
Now…………No Reaction………….!!


By – Parul Bhatnagar… (20-Aug-09)

“Meri Zindagi………………”

Thodi uljhi hai to kabhi Suljhi si hai…..
Kabhi hairaan ..Kabhi Pareshaan si hai….
Kabhi khili khili dhoop to kabhi bilkul bejaan si hai…
Kabhi hai uska thikana ..to kabhi gumshuda si hai…!!
Kabhi lagti hai apni …to kabhi bhut anjaan si hai..!!

Dhundhun main kabhi aangan mein to milti hai chhipi kone mein….
Hoti nahi jab vo kareeb ..darr lagta hai usko khone se….!!

Akele raah mein khadi na jaane kya Taakti hai…
Na koi tha humsafar kabhi uska… jane fir kisko duaaon me maangti hai..!!
Kya khoya ab tak usne ..uska to koi hissaab nahi…
Kya paya hai ..uska bhi koi uske paas jawaab nahi….!!

Har pal darti hai …. Kuch kahna hai use ,na jane fir kyun Saham jati hai…..
Jane kisko Khone ke darr mein vo roj thoda sa aur marr jati hai…!!

Usko khabar nahi shayad ke aayengi khushiyaan sirf uske muskurane se….
Aarju hai vo lag jaye gale ek baar aakar kisi bahane se…!!
Par na jane kab hoga usko ye Ehsaas ….
Kiski kami hai usko kyun hai vo khud se itni Udaas…!!

Badlega kabhi ye banjar mausam ..hogi kabhi uske aangan bhi khushiyon ki Barsaat…!!
Dua hai na honge fir uske ghar Sannate … na rahegi Khamoshi bhari raat….
Khwahish hai dekhun “Zindagi” ko apni main hanste hue .. Bas Ek baar…!!

- Parul Bhatnagar ( 18-Aug-09)

For Someone very Special.......

Tu aaja ke kuch bojhal si saansen hain…

Tere khone ka darr hai aur khamosh Raaten hain…

Tu aaja ke Chanda bhi Tanha hai Sitaron ke sath….

Mere lab karte hain sirf dard bhari baat….

Phoolon ki Mehak gum ho gai hai ….

Har ghadi sirf tere intezaar me kati hai…

Tu aaja ke ab waqt gujarta hi nahi….

Tu aaja ek baar ke zindagi ka karj ab akele utarta hi nahi..!!



Lamha lamha hai tanha tanha…

kona kona hai soona soona…

bhut kuch khoya hai tujhe paane ke vaste…

ab tu aaye to kabhi fir door na hona..!!

Mera astitav tujhse… mera vajood bhi tu hi… mere zarre zaree me tu hai rahta….

Tu jo na mile to main bhi marr jaun .. Akele ik pal bhi nahi katta…!!

Tu aakar dekh ek baar ki kitna tanha hun main zindagi ki rahon me…

khwahish karta hun ab maut bhi aaye to sirf teri baahon mein….!!

Ye mere din ..ye andheri raaten…ye mere dil ki khamoshi ..aur vo tere unkahe vaade….

teri ek jhalak ko tarasti aankhen…..aur vo teri dard bhari yaadein…..

Sab pukarte hai tujhe …..

Tu aaja ke ab waqt gujarta hi nahi….

Tu aaja ek baar ke zindagi ka safar ab tanha katta hi nahi..!!

tu aaja Sirf Ek baar……….!!

- Parul Bhatnagar
(7-Aug-09)

For a Friend

“In my Life I can Feel Your Presence …
Your Laughter …Your Smile….& Your Happiness…..
are my Life ‘s Essence ..!!
You Make me understand what is wrong & what to Choose…
You show me the Rainbow when life was full of blues…!!
Dear Friend whenever in life’s journey you feel lonely & Eye shed a tear …
Always Remember A Friend is Still here to Share…!!
So my buddy today I am counting you as one of my Blessing of Life…
I promise to be with you till ma last day of Life…!! “

By – Parul ( 14 July 09)

Teri aankhon ne khwaab dekhna Sikhaya...
Teri baaton ne Khush hona Sikhaya...
Teri Chahat ne mujhe Jeena Sikhaya...
Fir teri Khamoshi ne Gumon ka raasta dikhaya..!!

Aasman ko chhute Parindo ne Honsla rakhna sikhaya..
Ruke hue saagar ne mujhe thamna Sikhaya...!!

Bahaaron ne mujhe Muskurana Sikhaya...
Pahadon ne mujhe shaant rahna Sikhaya..!!

Taaron ne mujhe Chamkna Sikhaya..
Raat ne fir Khamosh hona Sikhaya..!!

Mausamon ne mujhe Badalna sikhaya...
Baarishon ne mujhe gir kar bikharna Sikhaya..!!

Pani ne mujhe bahte rahna sikhaya...
Zindagi ne mujhe har mod par Samjhota karna Sikhaya..!!

- Parul

KAASH.............!!

Bahut waqt guzra… bahut kuch badla… par jaane kyun aaj bhi yahi gumaan hota hai….
Tu jo KASH yahan hota…

Mere Ghar ke aangan me roj dhoop hi hoti hai...
KASH ek roj tu aata to hansi Shaam bhi aati…
Tu jo gaa deta to shayad baadal bhi garjte….
Tu hans deta to meri Baarish bhi hoti…!!

Chup chaap baithen hai sadiyon se ..
mere ghar ke aangan me ye saare mausam….
inko bhi sirf TERA hi intezaar hai….
Jane kis umeed par raah dekhe hain teri…
Shayad kuch meri tarah ye bhi PAGAL hain..!!

Zindagi veeran si lagti hai…
Bhut kuch hai mere aas paas fir bhi
ab Meri parchhai mujhe anjaan si lagti hai…!!

Ek saya tha jo aksar sath chalta tha…
Tab raaste bhi roshan hua karte the…
Thoda dard ,kuch dhundhli yaaden
Chand siskate hue khwaab…aur aansu se bheege kuch lamhe
bas Mujhko meri ab yahi pahchaan si lagti hai..!!

khud se poochun to koi Jawaab nahi milta….
Gaur se Dekhun to kahin koi Sawaal nahi milta…
Tera dard bhi ab khushi deta hai..
Kya Karen teri yaadon k siva humko kahin ab araam nahi milta..!!


Ajeeb hai zindagi ka Kissa…. saamne hai manjil…
Magar baaki abhi poori KAHANI hai…!!
Tu likha nahi hai in hathon ki lakeeron me
Magar zindagi me …zindagi ki TALAASH ab bhi zari hai…!!


- By – Parul Bhaatnagar …!!
(3rd May 09 , 8:25 pm)